Målgruppe: Skoleeigarar og skoleleiing
Mål: Gi gutar motivasjon og erfaringar for å jobbe med barn
Kontakt: Marius Enge Bøe, Bufdir, telefon 472 86 758
Leikeressurs er ei hospiteringsordning for ungdomsskoleelvar. Primært er dette tiltaket retta mot gutar. Tiltaket skal gi ungdomsskoleelevar moglegheita til å få arbeidserfaring frå barnehagar og arbeid med barn. Dette tiltaket kan kommunen sjølv i sette gong.
Viktige aktørar i gjennomføringa av Lekeressurs er kommunar, ungdomsskolar og kommunale og private barnehagar.
Leikeressurs blei utvikla for å gi gutar erfaring med å arbeide med barn. Føremålet er at gutar både skal få erfaring med ei omsorgs- og ansvarsrolle overfor barn, i tillegg til innsikt i arbeidslivet.
I tillegg tilfører tiltaket barnehagane eldre gutar som rollemodellar for barna og dei andre tilsett ved barnehagen.
Det er nødvendig for tiltaket at skolar og barnehagar finn saman. Å bli ein Lekeressurs skal likne på det å få seg ein jobb. Prosessen liknar ein tilsettingsprosess med søknad, intervju, vurdering og utveljing. Skolane kan legge til rette for at elevane søker plassar som leikeressurs. Barnehagane bør vere med i utveljinga av gutar som får tilbodet, for eksempel gjennom eit intervju.
Her kan du lese meir om tiltaket:
Tiltaket Lekeressurs må utformast riktig for å ikkje vere i strid med likestillings- og diskrimineringsloven. Det vil vere i strid med loven dersom tilsetting som leikeressurs både blir lønte og forbeholdt gutar.
Nokre måtar ein bruke leikeressurstiltaket som er i tråd med loven og samtidig varetek intensjonen med tiltaket:
- Stilling som leikeressurs er opne for begge kjønn, men utlysingsteksten blir utforma slik at kvalifikasjonskrava passar interessene til gutane og at den appellerer til gutar.
- Tydeleggjer dei positive elementa som gutar tilfører barna i barnehagen i utlysingsteksten.
- Det er også mogeleg å lyse ut for begge kjønn, men oppmode gutar til å søke. Ei slik moderat kvotering av gutar vil seie at gutar kan få bli leikeressurs om dei er tilnærma like godt kvalifiserte.
- Tiltaket kan marknadsførast spesielt der gutar møtest og ein kan bruke mannlege rollemodellar for å marknadsføre tiltaket og sektoren.
- Tiltaket kan gjennomførast som ein traineeordning berre for gutar. Det vil seie at tiltaket ikkje inneber lønn.
- Opprette kvotar der 50 prosent av plassane i leikeressursordninga er øyremerkt gutar og 50 prosent er øyremerkt jenter.
- Bruke arbeidsveka og jobbskygging: Gutar får tilbod om praksis i kvinnedominerte yrke, og jenter får tilbod om praksis i mannsdominerte yrke.