Norge ratifiserte FN-konvensjonen om rettane til personar med nedsett funksjonsevne i 2013 og leverte sin første rapport om status i Noreg i 2015. Tilgjenge og universell utforming er oppfølgingspunkt i konvensjonen.

Tilgjenge for personar med nedsett funksjonsevne er òg delmål i FN sine berekraftmål for 2030.

Universell utforming er pålagt gjennom lov om likestilling og forbud mot diskriminering .  Lova krev at offentlege og private verksemder arbeider aktivt og målretta for å fremje universell utforming i verksemda.

Utgreiingsinstruksen seier at departement, direktorat og andre ytre etatar skal finne ut om avgjerdene som blir tekne, får konsekvensar for likestillinga.
Instruksen gjeld arbeid med utgreiingar, forskrifter, reformer, tiltak og meldingar og proposisjonar til Stortinget.
Universell utforming er eit av områda som skal konsekvensutgreiast. Rettleiar til instruksen gir gode råd om korleis ein skal gå fram.