Til kvar tid er det barn og unge som har behov for eit samansett tenestetilbod med oppfølging som involverer fleire aktørar i velferdstenestene. Nokon vil ha slike behov allereie frå fødselen av, og andre vil få behov for slike tenester undervegs.

For å styrkje oppfølginga av utsette barn, unge og familiane deira, vedtok Stortinget nye føresegner om samarbeid, samordning, barnekoordinator og individuell plan. Lovendringane tredde i kraft 1. august 2022.

Formålet med rettleiaren er å forklare dei nye føresegnene nærmare, gjere tydeleg ansvar og styresmakt, og gi rettleiing på korleis pliktene kan varetakast. Målet er òg at rettleiaren skal vere eit praktisk verktøy for implementering av dei nye eller endra føresegnene om samarbeid, samordning, barnekoordinator og individuell plan.

Rettleiaren har hovudvekt på målgruppene barn, unge og familiane deira.

Rettleiaren finn du hos Helsedirektoratet

Sjå også film om samarbeidsreglane (Youtube). Dette er ein informasjonsfilm frå Bufdir om endringar i velferdstenestelover for å styrkje samarbeidet om utsette barn og familiar.

NTNU samfunnsforsking skal gjennom ein serie rapportar evaluera korleis dei nye føresegnene blir sette i verk i praksis. I evalueringa inngår korleis ulike statlege, kommunale og private aktørar fortolkar nytt regelverk, og korleis regelverket blir etterlevd. Vidare skal det over tid undersøkjast om lovendringane oppnår formålet om ei styrkt oppfølging av utsette barn og unge og familiane deira gjennom auka samarbeid mellom velferdstenestene.

Sjå meir om funna:

• Delrapport 1 «Bedre tjenester til barn og unge med sammensatte behov?» (samforsk.no)
• Delrapport 2 «Lovendringar møter kommunal kvardag» (udir.no)