Barne-, ungdoms- og familieetaten (Bufetat) har ansvaret for etablering og drift av institusjonar som høyrer inn under barnevernlova. Bufetat skal godkjenne private og kommunale barnevernsinstitusjonar og omsorgssenter.

Kvalitetskrav til barnevernsinstitusjonar og omsorgssenter er nærmare regulerte i barnevernlova § 5-10 og kvalitetsforskrifta. Krav til godkjenning av barnevernsinstitusjonar og omsorgssenter er nærmare regulerte i godkjenningsforskrifta og presiseringar gitt av BLD og Bufdir.

Etter godkjenningsforskrifta § 7 kan Bufetat når som helst, og på den måten som regionen finn formålstenleg, føre kontroll med at vilkåra for godkjenning er til stades i private og kommunale institusjonar. I kraft av eigaransvaret gjeld tilsvarande for kontroll med at drifta av statlege institusjonar er i samsvar med lover og forskrifter.

• Mal for institusjonsplan
• Rettleiing til utfylling av institusjonsplan

Kontrollskjema

Kontrollskjema skal nyttast både av statlege, kommunale og private barnevernsinstitusjonar og omsorgssenter. Kontrollskjemaet utfyller opplysningar i institusjonsplanmal med rettleiing, og erstattar tidlegare kontrollskjema.

Bufetats institusjonsplanmal skal nyttast som grunnlag for etterfølgjande kontroll og oppfølging av både statlege, kommunale og private barneverninstitusjonar og omsorgssenter. Foreliggjande kontrollskjema vil utfylle opplysningar i institusjonsplanen og inngår i kontrollgrunnlaget. Skjemaet skal sendast inn i tillegg til institusjonsplanen.

• Kontrollskjema for årleg kontroll av statlege, private og kommunale barnevernsinstitusjonar og omsorgssenter