No kan du nominere Årets ungdomskommune 2025!

Prisen, som deles ut annakvart år, heidrar kommunar som utmerker seg i arbeidet med å gi unge høve til påverke lokalmiljøa sine og medverke i utforminga av kommunepolitikken.

Vinnaren vil bli kåra under den nasjonale Ungdomskonferansen i Øystese 21.-23. september. Vinnarkommunen får 250 000 kroner til å fortsette det gode arbeidet for unge.

Kandidatane må ha utmerkt seg med eit særleg arbeid for unges rett til deltaking og medverknad i sin kommune. Medverknad frå unge er ein føresetnad for god, lokal ungdomspolitikk. For Årets ungdomskommune skal dei unges engasjement og synspunkt vere synlege i prosessar og vedtak.

Kven kan bli Årets ungdomskommune?

For å bli kåra til Årets ungdomskommune 2025, må kommunen ha:

• eit fungerande ungdomsråd
• avsett ressursar og etablert varige strukturar for inkludering og medverknad med unge som del av planane og arbeidsrutinane sine
• eit godt samarbeid på tvers av etatar og tenester
• tilbod og aktivitetar for ungdom som opplever utanforskap, som fell ut av skule, arbeidsliv, eller ikkje deltek i organiserte fritidsaktivitetar.

Fristen for å nominere kommunar er 20. juni 2025. Du må grunngi nominasjonen. Grunngivinga bør ikkje omfatte meir enn tre A4-sider.

Viss kommunen sjølv ikkje står som søkar, vil Bufdir informere kommunen om at han er nominert.

Les meir om prisen og tidlegare vinnare